Samsung Toshkentdagi Turin politexnika universitetida raqamli transformatsiyadan foydalanishni yo‘lga qo‘yadi

Toshkent shahridagi Turin politexnika universitetiga Kim Sang Yon boshchiligidagi Samsung Electronics delegatsiyasi tashrif buyurdi. Bu haqda Oliy va o‘rta maxsus ta’lim vazirligi ma’lum qildi.

Tashrif doirasida Samsung Electronics va Toshkent shahridagi Turin politexnika universiteti o‘rtasida o‘zaro hamkorlik memorandumi imzolandi.

Memorandumga ko‘ra, kompaniya ko‘magida universitetda ta’limda raqamli transformatsiyadan foydalanish yo‘lga qo‘yiladi.

Mehmonlar universitet laboratoriya xonalari, axborot resurs-markazi, mexatronika va metrologiya markazlarini ko‘zdan kechirib, talabalarning texnik loyihalari va innovatsion ishlanmalari bilan tanishdi.